O voceiro de ERC no Congreso dos deputados, Gabriel Rufián, falou unha outra vez nidiamente na Cámara baixa. O protagonismo esta xornada do martes foi, na intervención do deputado republicano catalán, para o acontecido os días 30 e 31 do pasado mes de xullo coa entrada ilegal en Ceuta de 80.000 persoas procedentes de Marrocos, acto que cualificou de “agresión” ante a que España “cala, traga e paga”.
Para a dereita e a ultradereita tivo descualificacións contundentes: “traidores á súa patria”. Para a esquerda: “os lugares comúns, a covardía, fronte aos dous dramas que nos van arrasar: a vivenda e a migración”. Acusou a Marrocos de enviar a 80.000 persoas ás súas fronteiras para cargarse ao Goberno de España coa colaboración de Washington, Tel Aviv e da dereita e ultradereita española, xudicial e policial.
Gabriel Rufián, alto e claro. Sen tapabocas. Considerando que se a policía e os xuíces españois eran sabedores do que Marrocos proxectaba levar a cabo guiando cara a territorio español ese continxente de 80.000 cidadáns, tamén a dereita e ultradereita españolas o sabían.
Falou tamén Rufián de que “os que entraron deben ser devoltos con dignidade e celeridade”.
Alto e claro, con 141 vítimas mortais, entre estas nenos.
