Este sábado 5 de setembro, en horario de 12.30 en adiante, a sede do MUGART (Museo do Gravado de Artes, Ribeira) vai dar acollida a unha visita guiada pola exposición Imaxe surreal de Galicia, de Xaime Quessada.
Na visita estará o comisario da mostra e membro da Fundación Xaime Quesada Blanco, José Gómez Alén.
Imaxe surreal de Galicia é unha colección creada polo recoñecido pintor e gravador ourensán Xaime Quessada Porto (Quessada). Nestes gravados o artista plasmou a súa particular e expresiva visión da historia, a identidade e os mitos de Galicia a través dunha linguaxe marcadamente surrealista e reivindicativa.
Quessada concibiu esta serie para narrar unha crónica visual e histórica persoal de Galicia, poñendo o foco en cuestións políticos, sociais e históricos con pezas destacadas como Os fascistas ou Os mártires de Carral.
A mostra foi comisariada por José Gómez Alén e Xoán Pastor Rodríguez Santamaría, director do Museo do Gravado de Artes.
Máis información no Facebook do MUGART.
