O pleno de setembro en Dodro aprobou distintos asuntos de importancia como convenios de colaboración cos concellos veciños, o POS adicional 2 da Deputación ou o informe fiscalizador do Consello de Contas.
O Consello de Contas, na reunión do pasado 29 de xullo, emitiu un informe sobre o estado económico do Concello de Dodro. O informe é resultado da remisión obrigatoria de información á que están obrigadas as entidades locais de Galicia, envío no que ademais deben facer constar o entorno de control interno, os contratos e os convenios asinados.
Este informe corresponde ao segundo trimestre do ano e da como resultado un nivel de madurez económica alto, segundo o Consello de Contas. “Un resultado que avala a xestión económica do concello de Dodro”, segundo confirmou o Goberno local.
POS Adicional 2
A sesión aprobou cos votos do PSdeG, Unidade Veciñal de Dodro e BNG, e as abstencións de Xente de Dodro e Partido Popular, O Plan de Obras e Servizos Adicional 2 da Deputación da Coruña que supón un investimento de 299.000 euros.
Os proxectos que se acometerán serán a Melloras no Lavadoiro de Castro, Melloras no viario de Rebixos a Susavila e outros e a reparación da escola unitaria de Traxeitos nunha primeira fase.
Na segunda fase do plan acometerase a mellora viaria en Lestrobe e outros, a Mellora do viario de Teaio a Bustelo, a mellora do viario en Bexo, a Mellora do viario do Muiño da Devesa en Teaio, e a Mellora do viario do norte na Devesa ao campo da Chisca.
Convenios de colaboración
O plenario de Dodro aprobou dous convenios de especial importancia para a demanda de xudas á Xunta de Galicia. Por unha banda o acordo entre Dodro e os concellos de Padrón, Valga, Rois, Catoira e Pontecesures para pedir unha axuda destinada ao programa integrado de emprego 2026 – 2027. Este convenio aprobouse cos votos a favor de todos os partidos excepto Xente de Dodro que se abstivo.
Por outra arte aprobouse o convenio de colaboración cos concellos de Dodro, Padrón, Valga, Rois e Rianxo para a solicitude dunha axuda destinada ao Proxecto de Prevención de Conductas Aditivas que tamén foi aprobado co apoio de todos os partidos excepto Xente de Dodro que volveu a absterse.
Mocións
No pleno presentouse unha única moción por parte do Partido Popular sobre a defensa da soberanía española de Ceuta e Melilla. Unha moción rexeitada que contou cos únicos votos a favor do Partido Popular e Xente de Dodro.
