O Concello de Noia materializou esta semana o seu apoio ás entidades sociais que fan comunidade. Fíxoo coa sinatura dos convenios de colaboración co tecido asociativo, apoiando o traballo que desenvolven durante todo o ano entidades que, en palabras do Concello, “son fundamentais para a vila e o termo m municipal”. .
Nesta ocasión, os convenios corresponden a Cáritas Noia, polo “seu labor de atención e apoio ás persoas e familias que máis o necesitan”, a Coral Polifónica de Noia, pola súa “contribución á promoción da música, da cultura e da vida cultural da nosa vila”, a Asociación Pro Saúde Mental A Creba, polo “seu traballo a prol da saúde mental, da inclusión e da mellora da calidade de vida das persoas”, e a ADECO-DEA, por traballar arreo na promoción do deporte adaptado e facilitando que todas as persoas poidan gozar da actividade física e do deporte.
Desde o Concello agradecen o traballo, compromiso e dedicación de todas estas entidades e das persoas que forman parte delas.
