Unha fronte pouco activa entrará polo norte de Galicia este martes, Nosa Señora das Dores, provocando a retirada do aire cálido e deixando ceos anubrados con risco de precipitacións durante o serán nesa metade e na comarca de Santiago, mentres que na costa predominará o tempo con nubes e claros e maís despexado canto máis o sur.
Os termómetros sufrirán unha baixada moderada que se fará notar sobre todo nos valores máximos de toda a franxa setentrional da comunidade (máximas de 24 a 28 graos).
O vento manterá a compoñente norte con intensidade frouxa nas primeiras horas para logo subir a intensidade moderada co avance da xornada e rexistrar refachos fortes na costa pontevedresa.
O noso mar; Vento do norte á mañá e do norte á tarde e á noite, forza 3 a 4 á mañá e 5 a 6 á tarde e á noite. Marusía á mañá e forte marusía á tarde e á noite. Visibilidade boa. Mar de fondo do noroeste, con ondas de 0.5 a 1 metros.
