O Club Tribu Trail celebra este domingo 20 de setembro, coa colaboración do Concello de Boiro, o X Trail dos Indios – Castelo de Vitres.
Trátase dunha proba deportiva de dificultade técnica alta ao discorrer por sendeiros e zonas rochosas, beiras dos ríos, subidas de dificultade elevada e baixadas técnicas.
“Buscamos que todas as probas se desenvolvan na contorna do Castelo de Vitres por se a insignia desta proba polo que a dificultade dos percorridos é elevada”, afirmaron dende a organización na presentación da proba, celebrada os días pasados (na que participaron o concelleiro de Deportes, Marcos Fajardo, xunto con Xosé María Rodríguez e Víctor López, da organización).
A proba consta de tres percorridos con distancias de 26, 16 e 10 quilómetros para as distintas categorías; ademais de carreiras para nenos e nenas de 2,5 e 1,2 quilómetros; forma parte do Campionato de Clubs e Copa da Xunta de Galicia e puntuará para o mesmo.
