A comunidade galega continuará este domingo baixo o dominio das altas presións, acompañadas pola presenza de aire cálido en superficie. Este escenario meteorolóxico deixará unha xornada marcada polos ceos despexados e un ambiente solleiro e caloroso no conxunto do territorio.
Os termómetros experimentarán un lixeiro ascenso, consolidando valores propios do verán(máximas 34 graos). En canto ao réxime de ventos, soprarán de compoñente nordés, de carácter frouxo de xeito xeral pero con refachos de maior intensidade na comarca de Ortegal.
O noso mar; Vento do nordés á mañá, do noroeste á tarde e variable á noite, forza 1 a 2 á mañá e á noite e 1 a 3 á tarde. Mar rizado á mañá e á noite e mar ovellado á tarde. Visibilidade boa. Mar de fondo do noroeste, con ondas de 0.5 a 1 metros.
PROGNÓSTICO QUINCE DIAS
Non se esperan cambios nas próxima dúas semanas nas condicións, unicamente unha progresiva baixa das temperaturas
