A OPP83-Sociedade Cooperativa Galega do Mar Santa Uxía (Sociedad Cooperativa del Mar Santa Eugenia) celebra este venres, 11 de setembro, a V Xornada de Pesca de Ribeira, centrada no futuro da frota, o escenario posFEMPA, a modernización e a cesión de capacidades dispoñibles a buques pesqueiros.
A apertura, ás 9.30h, contará coa xerente da OPP83, María José Casais; o director da Escola Oficial Náutico-Pesqueira de Ribeira, Juan Domingo Cambeiro; e a alcaldesa de Ribeira, María José Sampedro. Ao longo da xornada participarán o subdirector general de Sostenibilidad Económica y Asuntos Sociales del MAPA, Manuel Pablos; o director xeral de Pesca, Acuicultura e Innovación Tecnolóxica, Isaac Rosón; a directora general de Marina Mercante, Ana Núñez; o director de Bureau Veritas Norte de España, Ricardo Iparraguirre; e o director xeral de VICUSdt, Adrián Sarasquete.
A clausura, prevista para ás 13.30h, contará coa participación da conselleira do Mar, Marta Villaverde, xunto á xerente da OPP83, María José Casais.
Baixo o título Claves para abordar a pesca no próximo fondo marítimo-pesqueiro, a xornada reunirá a responsábeis de distintas administracións e expertos para analizar cuestións de especial interese para a sector, desde o novo escenario que se abre tralo FEMPA ata as posibilidades de modernización da frota e a xestión das capacidades dispoñíbeis para os buques pesqueiros.
A xornada, que conta con financiamento da Xunta de Galicia e o FEMPA no marco do PPeC 2026 da Organización de Produtores Pesqueiros de Ribeira, será clausurada por María José Casais e finalizará cunha degustación de produtos pesqueiros prevista para as 13.45 horas.
