O Concello de Boiro celebra durante o mes de setembro o Mes da Danza 2026 con actuacións de grupos locais e compañías profesionais. A concelleira de cultura, María Outeiral, presentou o programa deste ano.
A axenda de actividades comeza esta fin de semana co Encontro Tradicional de San Roque que organiza Abeloura e que terá lugar o sábado 5 a partir das 19.00 horas en Cespón. O domingo 6 ás 12.00 horas no Pazo de Goiáns haberá unha actuación de Abeloura cos grupos convidados AC Verodal Arona, de Tenerife, e Os Jaitas Blue, de Noia.
O venres 11 ás 20.30 horas no Pazo de Goiáns actuación da escola de ballet Cen Plies e o sábado 12 ás 12.00 horas na rúa peonil, danza con Marta Alonso. O domingo 13 no Pazo de Goiáns ás 18.00 horas, actuación de AC Pedra da Arona.
A gran novidade deste ano é que o mes da danza inclúe unha conferencia do crítico, historiador e especialista internacional en danza e ballet, Rober Salas; unha actividade promovida pola Fundación Alcalde Varela que terá lugar o sábado 19 ás 19.00 horas no Pazo de Goiáns.
O domingo 20 ás 18.00 horas tamén no Pazo de Goiáns terá lugar a actuación de Xilbarbeira. E o mes da danza rematará na última fin de semana de setembro co serán das Angustias, na Ponte Beluso, que será o sábado 25 ás 20.00 horas e o domingo 26 no Pazo de Goiáns actuación de ballet de AC Pedra da Aroña.
