Logo de que fose preciso aprazar a nova edición da xornada Tendas á Rúa prevista para o pasado sábado por motivos meteorolóxicos, a Asociación de Empresarios de Ribeira (AER) confirmou unha nova e definitiva data para celebrar a segunda edición de Tendas á Rúa: será este sábado 5 de setembro de 11:00h a 14:30h, na praza do Concello en Santa Uxía.
Tras a boa acollida da primeira edición, os comercios participantes volverán saír á rúa para ofrecer os seus produtos e “nunha xornada especial”.
Desde a organización animan á veciñanza “a visitar o evento e apoiar o comercio local”.
Contarase coa participación de 16 comercios locais de sectores como moda, moda infantil, puericultura, deportes e agasallos.
A actividade celebrarase en horario de 11:00h a 15:00h e ofrecerá aos asistentes produtos e promocións especiais nunha contorna ao aire libre.
Esta campaña está organizada pola AER (Asociación de Empresarios de Ribeira) e co-financiada pola Deputación da Coruña.
