A Asociación Boirense de Empresas (ABE) presenta este sábado, 5 de setembro, ás 11:30 horas, na praza do Concello de Boiro, o Boiro Xoga, un xogo de mesa creado especificamente arredor das rúas, espazos e negocios da vila.
Trátase dunha iniciativa pioneira no ámbito do asociacionismo comercial que converte Boiro no taboleiro dunha gran partida e que foi seleccionada pola Xunta de Galicia como unha das cinco campañas comerciais extraordinarias deste ano.
A presentación estará acompañada dun espectáculo familiar do Mago Paco, que será o encargado de protagonizar a aparición do xogo, nunha presentación pensada para sorprender ao público.
No acto participarán o presidente da ABE, Daniel García; o director xeral de Comercio e Consumo, Gabriel Alén; e o concelleiro de Comercio de Boiro, Roberto Lojo.
Durante a xornada tamén se sortearán os dez primeiros exemplares de BOIRO XOGA entre as persoas asistentes.
A campaña desenvolverase do 5 ao 19 de setembro e culminará cunha gran festa na Praza do Concello con actividades familiares, inchables, xogos, música, degustación gastronómica e un gran panel de premios con 2.000 euros en Bonos ABE e centos de xogos BOIRO XOGA.
DATA: Sábado, 5 de setembro
HORA: 11:30 horas
LUGAR: Praza do Concello de Boiro
