A entrada dunha fronte fría polo noroeste situará a Galicia nunha zona intermedia entre altas e baixas presións. A xornada estará marcada por ceos cubertos en xeral e precipitacións máis probables nas provincias atlánticas —afectando de cheo a Santiago e ás Rías Baixas— e no norte de Lugo.
As temperaturas máximas rexistrarán un lixeiro ascenso a pesar da inestabilidade na franxa atlántica.(20 a 22 graos).
As temperaturas mínimas continuarán sen cambios, mentres que as máximas subirán lixeiramente. O vento soprará frouxo de compoñente sur, con intervalos moderados en terra e refachos fortes no litoral norte.
O anticiclón regresa a Galicia este domingo con nubes pola mañá e claros pola tarde
As temperaturas manteranse estables ou en lixeiro ascenso nunha xornada con melloría progresiva no sur.
Galicia irá recuperando de xeito paulatino a influencia anticiclónica ao longo deste domingo. A xornada comezará con abundante nubosidade, especialmente na metade oeste, pero co paso das horas tenderán a abrirse claros durante a tarde, con maior presenza de sol na metade sur da comunidade.
O noso mar: Vento do sur á mañá, do sudoeste á tarde e do sur á noite, forza 3 a 5 á mañá, 3 a 4 á tarde e 1 a 2 á noite. Marusía á mañá e á tarde e mar rizado á noite. Visibilidade boa á mañá, regular á tarde e mala á noite. Mar de fondo do noroeste, con ondas de 1 a 2 metros.
