As Rías Baixas e a comarca de Santiago comezarán a semana baixo a influencia dunha borrasca situada ao suroeste de Irlanda. Unha fronte asociada a este centro de baixas presións entrará polo litoral galego a partir da tarde, deixando un panorama meteorolóxico inestable.
- Mañá: Ceos parcialmente cubertos. En Santiago e no interior das Rías Baixas abriranse algúns claros, mentres que na liña da costa a nubosidade será máis densa dende primeiras horas.
- Tarde: Aumento xeral da inestabilidade. Deseñase un escenario con probabilidade alta de chuvascos que poderán afectar a calquera punto do territorio compostelán e das Rías Baixas.
- Temperaturas: Sen cambios significativos, manténdose os valores habituais para a época.(máximas 25 a 26 graos),
- Vento: Soprará de compoñente sur, con intensidade moderada na liña de costa e máis frouxo nas zonas do interior.
O noso mar: Vento do sur á mañá e á noite e do sudoeste á tarde, forza 2 a 3 á mañá, 3 a 4 á tarde e 1 a 2 á noite. Mar ovellado á mañá, marusía á tarde e mar rizado á noite. Visibilidade boa á mañá e á tarde e regular á noite. Mar de fondo do noroeste, con ondas de 0.5 a 1 metros á mañá e á tarde e 1 a 1.5 metros á noite.
