A xornada deste sábado 8 de agosto, Santo Domingo de Guzmán, estará marcada por un tempo variable e inestable tanto na área de Santiago de Compostela como na comarca das Rías Baixas.
O día comezará con ceos de nubes e claros, aínda que no litoral das Rías Baixas será precisa a precaución pola presenza de bancos de néboa, que serán máis densos e compactos durante as primeiras horas da mañá e ao caer a noite.
Pola tarde, a nubosidade irase desenvolvendo con forza (nubes de evolución), o que podería desencadear chuvascos de carácter treboento de xeito ocasional, afectando tanto ao interior da área compostelá como a puntos das Rías Baixas.
En canto aos termómetros, as temperaturas non experimentarán cambios significativos respecto dos días anteriores. O vento soprará frouxo e de dirección variable ao longo do día, aínda que predominará a compoñente oeste.
O noso mar; Vento variable á mañá e á noite e do oeste á tarde, forza 1 a 2 á mañá e á noite e 1 a 3 á tarde. Mar ovellado á mañá e á tarde e mar rizado á noite. Visibilidade regular á mañá, boa á tarde e mala á noite. Mar de fondo do noroeste, con ondas de 0 a 0.5 metros á mañá e 0 a 1 metros á tarde e á noite.
