A parroquia ribeirense de Palmeira despedirá o mes de agosto coa celebración da XII Festa do Polbo, que terá lugar os días 29 e 30 de agosto na contorna do porto. O evento gastronómico contará con Veloso aos fogóns para cociñar preto de mil quilos de cefalópodo, ademais de ofrecer outras viandas a prezos populares como mexillóns, empanadas e churrasco.
A concelleira de Turismo, Ana Barreiro, destacou a cita como un elemento clave na dinamización socioeconómica do municipio tras a celebración doutros eventos coma o Percebe, a Navalla ou Gastromar. Pola súa banda, o edil Emilio Pérez fixo fincapé no arraigo da festa e no recoñecemento ao labor do sector pesqueiro e marisqueiro local.
Programa de actividades e música
A oferta gastronómica estará acompañada por actuacións musicais en sesións de mañá e tarde durante toda a fin de semana:
- Sábado, 29 de agosto:
- 12.00 h: Pregón a cargo da doutora Ana María Lorenzo Vizcaya (especialista en Medicina Interna e Hematoloxía), acompañado pola charanga Os Jaláticos.
- Sesión vermú: Actuación de Rockolas.
- 20.30 h: Concerto de Thais Suki.
- Domingo, 30 de agosto:
- 12.00 h: Pasarrúas e actuación do grupo tradicional Arume.
- 13.30 h: Sesión vermú con Riverside Dukes.
- 20.30 h: Peche musical con Loren e Andrés.
