O Concello de Muros volve participar un ano máis na Carreira da Muller, que se celebra o vindeiro 27 de setembro na Coruña e que xa ten as súas inscricións abertas. Trátase dunha proba solidaria que chega á súa 22 edición.
As inscricións poden facerse de xeito presencial ata o 11 de setembro nas instalacións de Servizos Sociais/CIM de Muros en horario de 08:00 a 14:00 horas. A inscrición ten un prezo de 13,95 euros que a organización da proba destinará á investigación contra o cancro.
O Concello de Muros súmase outro ano máis a participar como grupo nesta carreira, polo que proporcionará 50 prazas de balde para viaxar en bus ata A Coruña. O bus sairá desde a Piscina Municipal ás 08:00h.
Dende o Concello animan a todas as mulleres a inscribirse.
