Máis nubes que sol e posibilidade de orballo suave este domingo nas Rías Baixas e en Santiago
A xornada deste domingo, 9 de agosto, estará marcada por unha situación meteorolóxica intermedia na metade occidental galega. Agárdase unha alternancia de ceos anubrados e momentos de nubes e claros, sen descartar algunha ameaza de orballo feble durante as primeiras horas do día.As temperaturas manteranse suaves e sen grandes cambios respecto aos días anteriores. Máximas 26 graos.
Nas Rías Baixas
A mañá arrincará cos ceos bastante cubertos e posibilidade de orballos febles ou chuvias moi febles e dispersas, especialmente no litoral pontevedrés. A partir do mediodía a nubosidade irase abrindo para deixar paso a momentos de nubes e claros. O vento soprará frouxo de compoñente oeste-sudoeste. As temperaturas mínimas rodrán os 17-18 °C e as máximas acadarán os 24-26 °C .
En Santiago de Compostela
Na capital galega predominarán os ceos cubertos pola mañá, coa presenza de brétemas ou orballos moi febles nas primeiras horas. De cara á tarde, a probabilidade de precipitación diminuirá e agárdanse aberturas de Claros. Os termómetros moveranse entre os 16-17 °C de mínima e os 26 °C de máxima, nun ambiente fresco pola mañá e tépido pola tarde.
O noso mar: Vento do sur á mañá, do noroeste á tarde e do norte á noite, forza 1 a 2 á mañá e 1 a 3 á tarde e á noite. Mar rizado á mañá e mar ovellado á tarde e á noite. Visibilidade boa á mañá, regular á tarde e mala á noite. Mar de fondo do noroeste, con ondas de 0.5 a 1.5 metros á mañá e 0.5 a 1 metros á tarde e á noite.
