O Concello de Rianxo confirmou a través do seu alcalde Julián Bustelo o inicio do proceso de licitación da primeira fase do proxecto de renovación do firme do paseo marítimo de Rianxo.
Esta primeira fase, na que se traballará sobre o tramo comprendido entre Rinlo e a praia do Pazo, conta cun orzamento total de 227.360,21€.
Entre os dous proxectos encamiñados a renovar o firme do paseo marítimo, e os traballos xa executados para renovar o sistema de iluminación, ao remate desta lexislatura o Concello de Rianxo acadará “un investimento total de case 600.000€ neste importante infraestrutura”, confirmou o rexedor.
