A Policía Nacional despregou o operativo durante a madrugada e mantivo os rexistros ao longo de toda a xornada deste sábado.
As investigacións vinculan o alixo intervido co clan dos Fanchos.
A Policía Nacional detivo este sábado catro persoas e incautou máis de 1.500 quilos de cocaína nunha importante operación contra o narcotráfico desenvolvida no municipio da Pobra do Caramiñal.
O dispositivo policial centrou as súas actuacións nas inmediacións da praia do Conchido, a carón do límite municipal con Boiro. Durante o operativo, os axentes accederon a unha caseta situada fronte a unha vivenda próxima ao areal, de onde foron retirando os fardos co cargamento de estupefacientes ao longo do día.
Fontes da investigación vencellan este operativo co clan dos Fanchos. Ao peche da xornada, efectivos policiais e a comitiva xudicial continuaban cos traballos sobre o terreo nunha operación que segue aberta, polo que non se descartan novos arrestos nin variacións no balance definitivo da droga incautada.
