Este luns 3 de agosto a Casa da Cultura do Porto do Son acolleu a inauguración da exposición de pintura das persoas socias da Asociación de Amas de Casa de Porto do Son.
Esta mostra foi a última de Carmen Conde Sanlés como presidenta da Asociación (tras máis de tres décadas liderando a entidade), quen, ademais, recibiu de mans do alcalde, Luis Oujo, un ramo de flores. Tamén recibiu outro agasallo floral de parte das persoas socias como agradecemento por tantos anos de decicación e compromiso.
A exposición poderá visitarse ata o 15 de agosto, en horario de 8:00 a 14:00 horas.
Carmen Conde estivo á fronte da entidade durante décadas desde que asumiu o cargo para relevar á fundadora da mesma, Dolores Fernández.
