A praia da Lombiña acolleu esta fin de semana unha nova edición do Torneo Nocturno de Volei Praia, unha cita deportiva celebrada nas categorías feminina e masculina.
Na categoría masculina, o primeiro posto foi para Nathan Matos e Carlos López, de Vigo; Ismael Martínez e Manu Queiro, de Ribeira e A Coruña, ocuparon a segunda posición; e Cristóbal Álvarez e Guantes, de Vigo, completaron o podio.
Na categoría feminina, Tania Alvite e Andrea Riva, da Coruña, proclamáronse gañadoras; Marta González e Xudit Carrete, de Vigo, acadaron o segundo posto; e Noemí Araujo e Jacqueline Casal, tamén de Vigo, ocuparon a terceira posición.
Desde o Concello da Pobra do Caramiñal trasládanse os parabéns ás parellas gañadoras e a todas as persoas participantes nesta nova edición do Torneo Nocturno de Volei Praia.
