Esta fin de semana, o Claustro da Casa do Concello converterase nun punto de encontro entre artistas e público coa celebración de Improntas, unha iniciativa organizada por Inés Silvalde coa colaboración do Concello de Noia.
Pintura, escultura, ilustración, graffiti, performance e outras formas de creación reuniranse nunha exposición na que tamén será posíbel adquirir obras dos artistas participantes.
Entre eles estarán Ramón Conde, Sebas Anxo, Fina Barreiro, Roi Barros, R. Carredano, Mariano Casas, Fechán, Arturo Ferreiro, Fon, Jorge Gallardo, Ana Garrido, Eduardo Hermo, Serafín Marcos, Segundo Oviedo, Beatriz S. Saá, Inés Silvalde e Nastasia Zürcher.
O programa desenvolverase no claustro do Concello de Noia cos seguintes horarios:
Sábado 29 | 17:00–20:00 h (entrada lateral)
Domingo 30 | 11:00–14:00 h e 17:00–19:00 h (entrada principal)
Será, en palabras do Concello, “unha oportunidade para coñecer de preto o traballo de artistas de diferentes disciplinas e desfrutar da arte no corazón de Noia”.
