A praza de España do Porto do Son acollerá o vindeiro sábado (o sábado 15 de agosto) un concerto da agrupación vocal noiesa A Misela. Dará comezo a partir das 22:00 horas e as persoas asistentes poderán gozar dun espectáculo de música popular iberoamericana
O grupo é unha homenaxe viva ás raíces musicais que unen Galicia e América Latina, ofrecendo unha experiencia chea de emoción e irmandade cultural.
A través das súas interpretacións, A Misela transporta ao público a unha viaxe musical onde as tradicións e a modernidade dialogan en perfecta harmonía.
O Grupo A Misela é unha formación musical masculina fundada no ano 2011 no seo da Sociedade Liceo de Noia (A Coruña). En 2022 constituíuse oficialmente como a Asociación Musical A Misela. Son especialistas en música popular iberoamericana e música galega (boleros, folclore, temas tradicionais).
