STAC, compañía adicada ao deseño e fabricación de compoñentes e solucións para xanelas, portas e fachadas, celebrará os próximos días 21, 22 e 23 de xullo unhas xornadas de visita ás súas instalacións de Padrón, abertas a todas aquelas persoas que desexen coñecer de primeira man a súa realidade industrial e profesional, con independencia do seu perfil profesional.
Os percorridos, cunha duración aproximada de 20 minutos, celebraranse o martes 21 pola tarde (ás 16.00, ás 17.00 e ás 18.00 horas) e o mércores 22 e o xoves 23 pola mañá (ás 11.00 e ás 12.00 horas).
A iniciativa chega tras o recente anuncio dun plan de investimento superior aos 20 millóns de euros, co que STAC continúa reforzando a súa capacidade produtiva e tecnolóxica.
Durante as visitas, os asistentes poderán descubrir os procesos de fabricación, os novos sistemas de almacenamento automatizado e as áreas de innovación e enxeñería de produto, ademais do ambiente de traballo e a cultura interna da empresa, baseada na formación continua e o desenvolvemento profesional. Só no último ano, o persoal de STAC aumentou máis dun 15%.
Ao finalizar a visita, quen o desexe poderán manter un encontro co equipo de Recursos Humanos para ampliar información sobre as distintas oportunidades profesionais que ofrece a organización.
As persoas interesadas en asistir a algunha das xornadas poden inscribirse na Rede.
