A Catedral de Santiago ultima os preparativos para a Solemnidade do Apóstolo: horarios da Ofrenda e da NovenaO arcebispo Francisco José Prieto presidirá os actos centrais do próximo 25 de xullo, precedidos por unha novena que arrinca este mércores coa participación de tres predicadores.
A Catedral de Santiago de Compostela prepárase para acoller as celebracións da Solemnidade do Apóstolo Santiago, un dos eventos relixiosos e culturais máis destacados do ano xacobeo. O día de Galicia, o 25 de xullo, terá como acto central a tradicional misa solemne e a Ofrenda Nacional ao Apóstolo, presididas polo arcebispo de Santiago, monseñor Francisco José Prieto Prieto. z.A Novena: preparación desde o 15 de xullo
Como antesala á festividade, o templo compostelán celebrará a tradicional Novena en honra a Santiago Apóstolo do 15 ao 23 de xullo, con misas diarias ás 19:30 horas.
Este ano, a predicación estará a cargo de tres sacerdotes vinculados a múltiples parroquias dedicadas a Santiago o Mayor:Do 15 ao 17 de xullo: Roberto Martínez Díaz, cóengo da Catedral e párroco moderador da UPA de Santiago de Padrón.Do 18 ao 20 de xullo: Manuel Sierra López, párroco de Santiago do Burgo (Culleredo). Do 21 ao 23 de xullo: Javier Porro Martínez, vigairo episcopal de Pastoral e párroco en Pontevedra (Santa María a Maior e Santiago de O Burgo).
