Este martes 14 de xullo pola noite estarán en Teaio (Dodro) os integrantes da agrupación Os Cantaberneiros cos seus Cantos Tabernarios. A actuación, encadrado na Rede Cultural da Deputación da Coruña (coa colaboración do Concello de Dodro), dará comezo ás 21.30 horas en Teaio.
Os Cantaberneiros é un grupo de amigos que no verán do 2021 decidiron emprender un proxecto co que recuperar a música tradicional da súa comarca (Narón, Ferrolterra) e os cantos de taberna. O ano pasado realizaron aproximadamente unhas 30 actuacións por toda Galicia. Empregan as voces como instrumento principal, apoiado por acordeón, bombo e prato, treboadas, pandeiretas, cunchas, pandeiras, triangulo, botella de anís, pandeiro e todo tipo de percusións de man.
Parte do repertorio de Os Cantaberneiros está composto por pezas de tradición oral onde arranxan a música para adaptala ás melodías aprendidas. A outra parte do repertorio componse de cancións populares e de taberna: O gato, Miudiño, San Benitiño, A Rumboia…
