A parroquia de Nebra, no Concello do Son, vai celebra os días vindeiros a súas celebracións grandes de verán: as Festas á Nosa Señora, edición 2026. Celebraranse os días 14 e 15 de agosto.
A axenda virá ateigada de actividades musicais, culturais, gastronómicas e por suposto relixiosas. Haberá verbenas, tardeos, DJ, polbeira, festa da espuma, misas e procesións, dianas e alboradas, e moitas sorpresas máis.
A celebración dará comezo o venres 14 (na honra a San Roque) a primeira hora, con dianas e alboradas a cargo do grupo Falcoeira de Nebra e misa solemne ás 13.00 horas.
Logo haberá unha sesión vermú a cargo do Dúo Charada, que repetirán á noite, na gran verbena. A xornada rematará con DJ Cobas.
O sábado 15 de agosto, día adicado á Nosa Señora, arrincará con dianas e alboradas a cargo do grupo Falcoeira de Nebra e logo haberá unha procesión dende a igrexa ata o campo da festa ás 12.30 horas.
Ás 13h comezará unha misa solemne no campo da festa e logo haberá unha sesión vermú amenizada por Dúo Branca Doble.
Logo do xantar no campo da festa (con polbeiro) dará comezo ás 16.00 o gran tardeo coa Planet Discomobil e con DJ Cobas, DJ Gilito, DJ Manu X e Tito Maverick.
Ás 17.00 horas haberá festa da auga con canón de escuma.
Pola noite actúa na verbena o Dúo Branca Doble.
Festa organizada pola veciñanza de Nebra en colaboración co Concello do Son.
