Lola López, presidenta da Asociación Cultural Taller Alecrín e Francisco Muñiz, director técnico e pedagóxico da mesma presentaron este venres 3 de xullo a nova tempada 26-27 de Alecrín, baixo o lema O Baile é Vida. Será sinalaron, “unha nova aposta por amosar o baile como actividade que fomente hábitos saudábeis e axude á socialización”
Haberá promocións para adultos, maiores e escolares; obradoiros regulares e monográficos de linedance para singles e actividades de baile social para parellas, ademais dun variado programa de actividades que completan a oferta que o Taller Alecrín ten programados nesta nova edición que se desenvolverá ata finais de xuño de 2027.
A nova tempada materializarase a través de convenios con diferentes concellarías dos concellos de Noia, Santiago, Ribeira e Pobra, ademais doutras entidades públicas, privadas ou asociativas xunto co traballo e a participación desinteresada das socias e socios sustentan o peso da meirande parte deste singular proxecto.
A presente edición arrancará co programa Obradoiros de Verán 2026 no que o Taller Alecrín desenvolverá dezaseis xornadas de obradoiros para adultos nas comarcas de Barbanza, Caldas e Santiago:linedance para singles de 20:30 a 21:30 e Baile Social para parellas de 21:30 a 22:30, con ou sen experiencia, nun intento de compartir o seu baile con socios e achegados nestas datas estivais.
A asistencia a estes Obradoiros de Verán 2026, que estarán en marcha dende o 6 ata o 23 de xullo, é totalmente gratuíta previa inscrición no teléfono 698 150 432 que o Taller Alecrín ten a disposición dos usuarios de luns a venres de 10:00 a 14:00 horas.
