O Concello de Rianxo vén de rematar a renovación completa da iluminación do paseo marítimo da vila. Estes traballos encádranse no programa local de melloras nos paseos litorais e que inclúen a instalación de novas luminarias do paseo marítimo no tramo comprendido entre A Carballeira e a praia do Pazo. A intención do Concello é dar o impulso definitivo á terceira e última fase do proxecto, o que permitirá cambiar tamén o tramo comprendido entre a praia do Pazo e a praia da Torre antes de que chegue o inverno.
Estes dous proxectos suman un investimento total de 457.024,26€.
Como lembraremos, na primeira fase renovouse o tramo comprendido entre Setefogas e A Carballeira instalando luminarias de maior eficiencia enerxética.
Ademais o Concello recibiu da Deputación da Coruña a aprobación definitiva da primeira fase do proxecto para renovar o firme do paseo e os elementos do mobiliario urbano.
Nos próximos días iniciarase o procedemento de licitacións das obras.
Nesta primeira fase actuarase no treito comprendido entre Rinlo e a praia do Pazo. O proxecto conta cun orzamento total de 227.360,21€.
