O Concello de Noia continúa coa sinatura dos convenios de colaboración coas entidades deportivas do municipio no marco do programa municipal de axudas e subvencións ao tecido asociativo.
Estas achegas concédense a partir do Plan Deportivo Anual presentado por cada entidade e contribúen ao desenvolvemento da súa programación deportiva ao longo de toda a tempada. Os convenios formalizados polo Concello incorporan un incremento das achegas municipais, “co que reforzamos o compromiso municipal co deporte de base e coa actividade deportiva que desenvolven estas entidades”, sinalaron fontes do Consistorio.
Nos últimos meses asináronse convenios con Club Baloncesto Noia, co Noia C.F. e co SKT Club Deportivo.
Ademais, no primeiro treito do ano formalizáronse acordos con co Club de Fútbol Sala Noia Portus Apostoli, a Fundación Romero Blanco Monroy, a Escola Feminina de Fútbol Sonoia Portus Apostoli, a Escudería Berberecho (responsábel do histórico rallie do mesmo nome) e o Club Trabandainas, unha das entidades do Barbanza que máis traballa por reivindicar as actividades ao aire libre e en plena natureza.
