O Concello de Noia instalará unha pantalla xigante na praza da Casa do Concello (Alameda) para seguir en directo o encontro de cuartos de final do Mundial 2026 entre España e Bélxica, que comezará ás 21:00 h. De gañar, España obtería o pase para as semifinais e mediaríase a Francia, quen se impuxo este xoves en cuartos de final a Marrocos.
Previamente á celebración do encontro, ás 20:00 h, o Noia Fútbol Club renderá unha homenaxe aos seus equipos de base polos magníficos éxitos acadados esta tempada: o Cadete, polo seu ascenso a Preferente Galega e por conquistar tamén a Copa do Sar; os Infantís, polo seu ascenso a Preferente Galega; e os Prebenxamíns, campións da súa liga.
Será en palabras do Concello “unha gran ocasión para recoñecer o esforzo da canteira do fútbol noiés e, a continuación, desfrutar xuntos dunha noite de Mundial”.
