Este mes de xullo arrincarán as III Xornadas do Deporte impulsadas pola conserveira boirense JEALSA a través do seu programa de responsabilidade ambiental e social We Sea. Trátase dunha iniciativa que busca dar visibilidade á ampla oferta deportiva que Boiro ofrece durante os meses de verán e achegar á cidadanía as diferentes modalidades e actividades que desenvolven os clubs e entidades do municipio. En palabras de JEALSA, “estamos ante unha excelente oportunidade para que veciños, familias e deportistas coñezan de primeira man todas as propostas deportivas das que dispoñen, fomentando a práctica do deporte e creando sinerxías entre os distintos clubs e disciplinas”.
No mes de xullo celebraranse dúas xornadas deportivas: por unha banda unha xornada de deportes náuticos o 23 de xullo na rúa peonil de Boiro, a partir das 20h, coa participación da Escola Náutica Deportiva Boiro, Piragüismo Rías Baixas e o Club de Remo Cabo de Cruz; e pola outra unha sesión dirixida de full dance impartida polos profesionais do Ximnasio Ozono (coa colaboración de Sava), o 31 de xullo tamén na rúa peonil e a través das 20.00. Será unha cita para todos públicos.
Ademais, en agosto celebraranse novas xornadas deportivas de promoción de deportes de contacto, unha milla urbana para os máis pequenos e máis un 5K para os adultos.
