O Goberno local denuncia o “total desleixo” na conservación das vías AC-305, AC-306 e AC-307, onde a maleza invade as beiravías e reduce a seguridade de condutores e peóns.
O concello de Dodro reclama á Xunta a limpeza das estradas de competencia autonómica que atravesa o concello. Desde o goberno municipal explícase que o estado de estas vías é “lamentable en certas zonas cun total desleixo no seu estado de conservación, que se exterioriza especialmente nas beiravías con abondosa vexetación que segue medrando”.
O concello de Dodro está atravesado polas estradas AC-305, AC-306 e AC-307 e o seu estado convérteas en perigosas para a circulación de vehículos e peóns. O concelleiro de obras, Ramón Abuín, lembra que “o concello mantén a limpeza das vías de titularidade municipal cunha programación establecida ao longo de todo o ano. Só esperamos da Xuta de Galicia que faga o mesmo”
O escrito enviado á Axencia Galega de Infraestruturas o concello solicita “Que por ese organismo se poñan os medios adecuados, coa máxima urxencia, para proceder ao acondicionamento e limpeza das beiras das estradas AC-305, AC-306 e AC-307, que discorren polo Concello de Dodro”.
O goberno muicipal lembra ademais que non é a primeira vez que fas estas peticións e que “de ada serve o noso traballo se o desleixo da Xunta deixa estas estradas nun estado lamentable”.
