Xa queda pouco para unha nova edición da celebración máis charramangueira do Barbanza: a Festa Hortera do Porto do Son, que este ano celebra unha edición de 25 aniversario (25 anos de andaina) e cunha homenaxe ao considerado o rei do pop, Michael Jackson. Será do 31 de xullo ao 1 de agosto nas rúas do porto do Son.
Dende a organización xa lanzaron un convite para “prepara o mellor look posíbel, ensaiarmos o noso baile de estilo Michael Jackson e demostrar as nosas capacidades rítmicas ao ritmo de Billie Jean, Thriller ou Beat It, cancións que aínda fan tremer calquera pista de baile”. O programa inclúe música disfraces, espectáculos, baile e moitísimo humor “nunha edición que promete ser histórica”. A Asociación da Festa Hortera é a entidade encargada de organizar a celebración, que conta coa colaboración directa e o respaldo institucional do Concello de Porto do Son.
