A organización da Festa Hortera do Porto do Son e máis o Concello (colaborador da festa) compartiron nas redes o programa completo da nova edición da Festa Hortera, que se celebra esta fin de semana que está feita á medida, indicaron, “dos seareiros da troula e da música en directo, posto que haberá concertos dende primeira hora ata a última”. A axenda desta edición adicada a MIchael Jackson comezará o 31 de xullo venres pola noite, coa celebración do CamiñoNovo Fashion Street amenizado por Paco de Leña e coa presentación da Festa Hortera con desfile charramangueiro e pasarela. Logo do desfile darase inicio oficial á XXV edición da festa, cun concerto na praza de España a cargo do Grupo Claxxon Revocution.
A axenda do sábado arrincará ás 10h coas dianas e alboradas de Os Pequenos do Barbansa e logo ás 11h haberá unha Festiña Hortera para a rapazada, con inchábeis, xogos e animación (na praza do Eugenio). Ás 12 actuará a Charanga Compostela Band e ás 13h será a quenda da Charanga Os Celtas e de Os Liantes, Ajensia Trivutaria e Los Sanguíneos que achegarán unha sesión vermú entre o Hotel Gastronómico Vila do Son e a Flora de Sal. Ás 14 horas actuará JJ Compota e ás 16 DJ Tahume. Ás 17h haberá unha festa da escuma a carón do parque infantil e ás 18h o Taller Alecrín ofrecerá un espectáculo na praza de España. Logo será a quenda de DJ Geno e CabinaMóbil, a partir das 18.30 horas.
Ás 19h será o recibimento de Michael Jackson ao longo da fachada marítima sonense e ás 19.20 volverán tocar Os Liantes. Ás 20.15 será a inauguración oficial da rúa Michael Jackson e ás 20.30 celebrarase a tradicional carreira de Tacóns, diante do Chinto (na rúa principal). Logo comezarán máis concertos a cargo de Os Liantes e Volum3n. Ás 22 h haberá un concurso de playbacks na praza de España. A festa rematará co DJ Gabri Salgado.
,
