Este sábado 11 de xullo vaise celebrar na praia de Barraña a XIV edición do Torneo de Rugby Praia “Vila de Boiro”.
A competición inclúe categorías sénior masculina, feminina e veteranos, con formato de rugby a 5 e un límite de 12 equipos por categoría repartidos en 2 campos.
Organiza Barbanza Rugby e colabora o Concello de Boiro.
O torneo desenvólvese integramente na zona de area da praia de Barraña organizada polo Barbanza Rugby Club. O evento combina a competición deportiva oficial cos habituais terceiros tempos festivos a pé de praia.
A vertente puramente deportiva complétase cunha área gastronómica (haberá foodtruck), música na praia e festa nocturna.
