O Concello da Pobra do Caramiñal convida á veciñanza e ás persoas visitantes a vivir de forma colectiva a final da Copa do Mundo de fútbol, que poderá seguirse este domingo, 19 de xullo, nunha pantalla xigante instalada na Praza Alcalde Segundo Durán.
A cita dará comezo ás 20.00 horas e converterá este espazo nun punto de encontro para desfrutar nun ambiente festivo e aberto a todos os públicos.
Ademais da retransmisión da final, o evento contará con servizo de barra e coa actuación dun DJ, co obxectivo de completar unha proposta de lecer pensada para que a veciñanza poida compartir unha das citas deportivas máis destacadas do ano.
Desde o Concello anímase á cidadanía a achegarse á praza para vivir xunta esta gran final, apoiando ás súas seleccións e desfrutando dunha xornada de convivencia nun ambiente festivo.
