O Concello do Porto do Son segue a preparar os detalles da nova edición (a 2026) da súa Feira Celta, que se celebra do 24 ao 26 de xullo na vila sonense. Trátase dun evento histórico e lúdico, organizado polo Concello que se dirixe a transformar a vila mariñeira nun poboado de época con postos de artesanía, gastronomía e espectáculos de rúa.
Os postos e as principais actividades (música, ruadas e queimadas) concentraranse no centro urbano e na fachada marítima da localidade.
Os catro grandes piares da festa son os seguintes: a animación e os espectáculos de rúa, o campamento celta e os oficios, o mercado e a vertente gastronómica e, tamén, a zona infantil (con xogos medievais e actividades de lecer).
Segundo confirmou o Concello, neste intre está aberto o prazo para participar na feira as asociacións sen ánimo de lucro, que xa xa poden presentar as súas solicitudes (poden descargar o formulario de inscrición a través do PDF habilitado).
O concurso para escoller a imaxe promocional deste ano pechou o pasado 26 de xuño. O gañador recibirá un premio de 500 euros.
