O pasado 22 de xuño deu comezo a Escola de Verán de Dodro, dentro do Programa Corresponsables, que se prolongará ata o vindeiro 4 de setembro, co obxectivo de promover a conciliación da vida familiar, laboral e persoal, así como impulsar modelos de corresponsabilidade e igualitarios entre a veciñanza de Dodro.
Esta actividade, co-financiada polo Concello de Dodro, a Consellería de Política Social e Igualdade e o Ministerio de Igualdade do Goberno de España, ofrece unha ampla variedade de actividades das que gozarán ao longo do verán máis de 60 nenos e nenas de entre 3 e 12 anos.
A Escola de Verán desenvólvese nas instalacións do CPI Eusebio Lorenzo Baleirón, converténdose nun espazo de lecer, aprendizaxe e convivencia para a infancia do municipio durante o período estival.
O programa de actividades inclúe tamén a realización de actividades festivas para as familias (como a celebración do 1 de xullo que incluíu cancións, bailes e un divertido mini partido de fútbol no que incluso algunha mamá animouse a participar) e de xornadas de traballo interxeracional coas persoas maiores de Dodro (con saídas ao Centro de Día para favorecer o lecer de pequenos e maiores e o intercambio de coñecemento).
A Escola de Verán de Dodro é totalmente gratuíta para as familias participantes, sendo Dodro o único concello da comarca que non cobra ningunha taxa por este servizo.
