A campaña Impropio de Nós recalou este venres 10 de xullo no concello do Porto do Son. A iniciativa consiste nun box destinado a concienciar á veciñanza da importancia de reciclar e depositar no contedor amarelo as latas ou os envases de plástico.
A cartelería estará instalada durante todo o mes de xullo e as rotondas lucirán flores amarelas como parte desta iniciativa.
A campaña Impropio de nós, impulsada pola Xunta de Galicia e Ecoembes, busca reducir os residuos inadecuados no contedor amarelo. Do 26 de xuño ao 31 de agosto, educadores ambientais percorrerán praias e municipios como a Mancomunidade Serra do Barbanza e o Consorcio As Mariñas para fomentar a reciclaxe correcta.
