A Eira da Malla en Bexo (Dodro) vai ser o escenario este xoves 16 de xullo dunha nova actuación musical, desta volta a carto da agrupación Tanto Nos Ten, a partir das 19.00 horas. Será en clave de foliada aberta a veciñanza e visitantes. Tanto Nos Ten é un grupo que leva máis de 15 años formando parte da escena musical galega e presente en moitos dos festivais da Galiza e Portugal. Os músicos de Tanto nos Ten utilizan con mestría as voces e os instrumentos tradicionais como a gaita, o clarinete, o acordeón, o tamboril, o bombo con pratos, a pandeireta ou as cunchas, instrumentos aos que fan falar co seu propio e festivo linguaxe.
O grupo utiliza no seu repertorio músicas e letras propias que reflicten na súa implicación coas problemáticas sociais, músicas de saber popular, retranqueiras e de escarnio que, xunto ós pasodobres, muiñeiras, foliadas, rumbas e outros ritmos bailables, conforman o que eles chaman “música tradicional furtiva”.
Trátase dunha cita abeirada á Rede Cultural da Deputación da Coruña e conta coa colaboración do Concello de Dodro.
