A Libraría Social ULA de Outes vai acoller nesta recta inicial do verán un obradoiro de fotografía, que se vai desenvolver baixo o epígrafe Aprende creatividade a través da foto e que está orientado a adolescentes achegándolles recursos que lles permitan impulsar o talento que todas e todos levan dentro.
En concreto, o taller está encamiñado a mozas e mozos de entre 12 e 16 anos. Desenvolverase en tres xornadas en horario de mañá (todas elas): o 25 de xuño, o 2 de xullo e máis o 9 de xullo. O prezo será de 25 euros. As inscricións cómpre facelas na propia Libraría ULA (no 11 da rúa da Capela de Outes) ou ben a través do móbil 659 177 829.
