O PSdeG-PSOE de Lousame pediu a ampliación do programa “Lousame Concilia – Verán 2026” coa incorporación dun servizo de madrugadores para facilitar a conciliación das familias durante o verán.
A formación socialista asegura que esta demanda responde ás necesidades trasladadas por varios pais e nais do municipio, que precisan dun horario máis amplo para compatibilizar o coidado dos fillos coas súas xornadas laborais.
O grupo xa levou esta proposta ao pleno do pasado 28 de maio, onde o goberno local indicou que non tiña constancia desta necesidade. Porén, o voceiro socialista, Juan José Prego Ces, insiste en que se trata dunha demanda real e pide ao executivo municipal que actúe con proactividade e poña en marcha este servizo.
