Galicia recuperará este luns festividade de San Pedro e San Pablo, a influencia das altas presións, o que favorecerá unha xornada de tempo máis estable, aínda que con diferenzas entre o norte e o sur da comunidade.
Nas Rías Baixas, o tempo será máis estable e con predominio dos claros, especialmente durante a tarde. As temperaturas máximas experimentarán un lixeiro ascenso, favorecendo un ambiente máis cálido que nas últimas xornadas. O vento do norte-nordés soprará con intensidade moderada, con refachos fortes no litoral atlántico.(máximas de 31 graos)
En Santiago de Compostela agárdase unha mañá con intervalos nubrados, que irán alternando con claros ao longo do día. As temperaturas mínimas apenas variarán, mentres que as máximas subirán lixeiramente, deixando unha sensación máis agradable nas horas centrais da xornada. O vento soprará moderado do norte-nordés. (máximas de 27 a 28 graos)
No conxunto de Galicia, os ceos permanecerán máis cubertos na metade norte, onde se poderán rexistrar precipitacións febles no norte da provincia de Lugo. As temperaturas mínimas manteranse sen cambios significativos, mentres que as máximas subirán de forma lixeira ou moderada, agás na Mariña e na Costa da Morte, onde permanecerán estables ou descenderán lixeiramente.
O noso mar: Vento do norte á mañá e á noite e do noroeste á tarde, forza 3 a 5 á mañá e á noite e 4 a 5 á tarde. Marusía á mañá e á noite e forte marusía á tarde. Visibilidade boa. Mar de fondo do noroeste, con ondas de 1 a 2 metros á mañá e 0.5 a 1.5 metros á tarde e á noite.
Non se espera cambio no tempo nas próximas semanas,
