O Pavillón Municipal Agustín Mourís acolle este sábado o XIX Campionato de Exhibición de Taekwondo Infantil. Será a partir das 11:00 horas, organizado pola Escola de Taekwondo Maniotas Noia. Durante a xornada, os rapaces e rapazas participantes amosarán o traballo realizado ao longo da tempada nun evento que pon en valor o deporte base, a formación e o esforzo dos máis novos. O Ximnasio Maniotas e o Concello convidan á veciñanza a asistir e apoiar aos deportistas “nesta cita xa consolidada dentro do calendario deportivo local”.
