O vindeiro día 1 de xullo a Xunta porá en funcionamento a nova ambulancia medicalizada para Barbanza, que terá a súa base no concello de Ribeira.
Con esta medida, o Goberno galego quere dar cumprimento ao compromiso adquirido coa cidadanía de poñer en marcha este novo dispositivo asistencial na comarca, mellorando así a atención ás urxencias tempo-dependentes.
Máis concretamente, a nova ambulancia permitirá mellorar a asistencia a máis de 75.000 veciños e veciñas dos concellos de Rianxo, Boiro, Ribeira, O Porto do Son e A Pobra do Caramiñal.
