Portosín vai celebrar ao grande a vindeira festa do 23 de xuño, a noite máxica de San Xoán na que saudamos oficialmente a chegada do verán. De feito, a Asociación de Empresarios de Portosín (AEP) preparou unha gran sardiñada de San Xoán para a devandita xornada, a partir das 19.00 horas no porto. Non só haberá sardiñas para veciños e visitantes, senón que a festa terá unha vertente musical da man de DJ Machito. Organiza a AEP coa colaboración do Concello, da Confraría de Pescadores e da Deputación.
