Comezou a preparación da nova entrega da Andaina Nocturna de Terror “A Santa Compaña”, un clásico das camiñadas deportivas que xuntan actividades ao aire libre, cultura, lecer e diversión. A andaina celebrarase o 15 de agosto en Rianxo, con saída ás 23.00 horas dende Campo Maneiro (Taragoña). Quen precise máis información ou formalizar a súa inscrición ten que visitar a web Rockthesport.com.
Organiza a Sociedade Deportiva Barbantia Roda coa colaboración do Concello de Rianxo.
Celebrarase novamente en horario nocturno: das 23:00 horas ás 2.30, aproximadamente. As persoas de idades comprendidas entre os 14 e os 18 anos poderán participar cunha autorización por escrito dos proxenitores. Entre os 8 e os 14 anos ademais do anterior deberán ir acompañados/as dun adulto. Serán 8 quilómetros de percorrido “polos camiños máis sombríos”. Cómpre levar lanterna e calzado axeitado.
