A conselleira do Mar, Marta Villaverde, visitou este mércores 13 de maio as instalacións da Organización de Produtores de Mexillón de Galicia (OPMEGA) en Boiro para coñecer a situación actual da súa actividade.
O encontro permitiu coñecer de primeira man os avances no traballo da organización e reforzar a colaboración da Xunta cun “sector que é piar básico da actividade acuícola na nosa comunidade”, informou a conselleira.
Con este encontro, a responsábel autonómica ratificou o compromiso coa miticultura galega, líder europeo en produción e exemplo de sustentabilidade. A valorización do produto nos mercados e o apoio á cadea mar-industria seguen a ser prioridades estratéxicas para asegurar a rendibilidade e futuro desta actividade extractiva nas rías galegas.
