Un home faleceu esta mañá tras ser atropelado na VG-1.4, ao seu paso pola parroquia de Toba, en Cee. O accidente produciuse no quilómetro aproximado 4 da vía.
Un particular contactou co 112 Galicia ás 07:45 horas para informar do atropelo. Segundo indicaba, a vítima atopábase tendida na estrada e precisaba asistencia sanitaria urxente.
Desde o Centro Integrado de Atención ás Emerxencias (CIAE) 112 Galicia informouse de inmediato ao Servizo de Urxencias Sanitarias de Galicia-061, aos Bombeiros de Cee, á Garda Civil de Tráfico e aos efectivos de Protección Civil.
Ao chegar ao lugar, o persoal sanitario desprazado ata o punto só puido confirmar o falecemento do home.
